HINDI pa rin ako makapaniwala sa mga nangyari ngayong araw sa akin. Nag-confess ng pag-ibig sa akin si Sir Leif at ngayong araw ay manliligaw ko na raw siya. May gusto na siya sa akin simula nang makita niya ako sa commercial shooting noong bata pa ako. So, sa ilang taon na iyon ay hinanap niya ako? Paano kung hindi ako iyon, ʼdi ba? Paano siya nakakasigurong ako iyong bata na kasama ni Lennox sa commercial shoot na iyon. O, ginamit niya ang kanyang kapangyarihan? Kapag sa mayayaman madali lamang iyon, magha-hire sila ng investigator.
“Hay, gulong-gulo na ang utak ko sa mga nangyayari!” sigaw ko sa aking sarili at tinakpan ang aking mukha ng unan para hindi marinig ni Mama ang boses ko.
Baka kasi magtanong siya kung anong nangyayari sa akin, ʼdi ba? Anong sasabihin ko sa kanya, na ginugu
