ILANG araw na lang ay Magical Event Night na sa G. Smith Company. Lahat ng mga empleyado sa ibaʼt-ibang department ay kasama, maging kami sa utility room at mga security guard ay imbitado rin.
“May damit na ba kayo para sa Magical Event Night?” Pagtatanong ni Kuya Victor sa amin. Nasa likod namin siya at kararating lamang.
Napatingin ako sa lamesa namin dito, mamaya namin makukuha ang dress ko para sa event. Hindi ko nga malaman kung excited na ako, o, kinakabahan na makita ang dress mamaya.
“Nagpa-reserve na ako ng damit sa nagrerenta roon sa amin.” sagot ni ate Lovely sa tanong ni Kuya Victor.
“Same, tumingin din ako sa mga nagrerenta ng gown, nakahanap na rin ako ng akin! Excited na ako para sa Magical Event Night!” Kinikilig na sabi ni ate Leslie.
“Eh, ikaw, Kathleen? Nakahanap
