TAPOS na ang araw ko sa karinderya kaya lumabas na ako roon, nagpaalam din ako kay Aling Florida. Pinaunat ko ang aking katawan habang naglalakad papunta sa may kanto para roon ay makasakay na ako ng traysikel. Mabuti na lamang ay wala pang-alas nuwebe ng gabi ay ubos na ang paninda namin. Makakapaghinga ako nang maaga ngayong araw. Pero, mukhang mali ang hinala ko dahil sa pagliko ko ay nakita ko ang kotseng sobrang familiar sa akin, ang kotse ni daddy Leif.
Nanlalaki ang aking mga mata nang makita ang kotse ni daddy Leif sa kanto, kung nasaʼn ang Karinderya ni Aling Florida. Monday na monday, kaya bakit nandito siya kung sa kanya man ang kotseng nakikita ko ngayon. Hindi ko kasi gaanong natatandaan ang plate number nu'n pero ang kulay ay tandang-tanda ko.
Bumagal ang aking paglalakad
