NAGTATAKA akong tumingin sa kanila, lalo na kay Kuya Victor. “H-huh? A-ako po? Ang alin?” Naguguluhan kong tanong sa kanilang lahat.
Nakatingin pa rin ako sa kanila at sila rin ay nakatingin sa akin. “Ikaw pa rin ang naka-assign sa 8th floor, Kathleen.” Ulit na sabi ni Kuya Victor sa akin.
At, doon ay nalaman kong tama ang aking narinig. “B-bakit po ako na... Naman?” Nasambit ko na lamang at napatulala nang dahil doon.
“Hindi ko rin alam ang kasagutan sa tanong mo, Kathleen. Tanging si Sir Leo lamang ang nakakaalam na sagot sa tanong mo. Pero, iyon ang nakalagay rito sa hawak kong papel.” sagot sa akin ni Kuya Victor. “Dapat matuwa ka, Kathleen, dahil nagugustuhan ni Sir Leif ang paglilinis mo sa 8th floor. At least, may kapalitan na rin akong maglinis doon.” Nakangiting sabi ni Kuya
