Jarrah's Pov:
Nilampasan namin ang mga nagkakasiyahang estudyante. Marami na rin sa kanila ang nagpalit ng damit, ginamit na nila iyong mga inihandang swimming clothes ng mga taga-Liberal Arts.
Kasabay ko sa paglalakad si Ezekiel habang dala namin ang tray namin na naglalaman naman ng mga napili naming kainin. Dahil wala namang komportableng lugar para kumain kung hindi ang cottage, nagkasundo kaming doon na lang muna habang nagpapa-party pa ang mga taga-Liberal Arts.
Muntik na akong mapatigil sa paglalakad nang makarating kami sa cottage namin. Kung hindi ko pa nakita ang pangalan ko sa listahang nakadikit doon ay baka lumiko na ako.
Hindi ko naman alam na bukod kay Ezekiel ay kasama rin namin sa cottage si Theo.
"Oh, may problema ba?" tanong sa akin ni Ezekiel nang bahagyang akon
