Capitulo Diez
***
Akala ko ay matatapos na ang araw ko sa paglilinis ng condo ni Helios pero ang walanghiya, talagang sinulit ang pagpunta ko dahil inuntusan niya ako mag-grocery sa Metropolitan Mall. Wala naman akong magawa dahil siya ang nag-utos at may oras pa naman talaga bago ang duty ko sa coffee shop.
“Talagang eto ang mga kailangan mo?” tanong ko sa kanya. Ang haba kasi ng listahan na ibinigay niya sa akin tapos iisang tao lang naman ang nakatira rito at siya iyon. Saan niya gagamitin iyong twenty-five na corned beef at sardinas? Daig niya pa may tindahan sa loob ng condo unit dahil sa haba ng listahan niya.
“Oo. Bakit? May reklamo ka?” tanong niya sa akin. “At talagang ako lang ang mag-gogrocery ng lahat ng ito?” tanong ko muli sa kanya. Kaswal naman siyang tumango sa akin na
