Buong biyahe namin ay hindi na kami muling nagkausap ni Arrow. Mukhang nakisama naman siya dahil hindi niya ako sinubukan na kausapin o kung ano pa man-- mabuti na lang din yun dahil wala rin naman akong balak na sumagot sa kaniya if ever.
Hanggang sa makarating kami sa bahay ay nauna na akong lumabas sa kaniya ng sasakyan. Hindi ko siya hinintay pa at dire-diretso lang ako na pumasok sa loob ng bahay.
Nakasalubong ko pa si Mom nang nasa may bungad pa lang ako ng pinto.
"Ohh. Ang aga niyo naman, how's the trip? "Nakangiting tanong niya habang diretso lang na nakasunod sa akin ang tingin niya.
"I'm not in the mood right now Mom. Kay Arrow niyo na lang po itanong. "Mahina at walang gana na sagot ko. Hindi ko na rin hinintay pa na muling makapag tanong sa akin si Mom saka dire-diretso
