Hindi ko na ipinagtaka ang kaguluhan ng mga kaibigan ni Gabriella. Sinubukan kong kumain nang tahimik pero nakita ko na lang na hinihila ako ni Sabina papunta sa table ng mga kaibigan nila. Kaya wala akong nagawa kundi ang makiupo at sagutin ang ilang tanong nila. Lagi rin kasi akong isinasama ni Gabriella sa pinag-uusapan kahit na wala akong alam sa mga iyon. She always asked me, What do you think, Sofia? Or Do you remember that, Sofia?
Ipinagpapasalamat ko rin na walang nagtanong ng kahit ano tungkol sa nangyari noon. Ni hindi nila ako tinanong kung anong nangyari sa buhay ko mula nang bumalik ako sa Poland. May ilan silang katanungan na may kinalaman sa kompanya pero iyon ay kung anong maii-recommend kong cosmetic at kung ano ang magandang gamiting pabango sa kung ano-anong sitwasyon.
