CHAPTER TWENTY ONE- THE DRUNK, THE AQUARIUM, AND THE SHOE
Nagising siya dahil sa maliwanag na sikat ng araw na humahalik sa kanyang pisngi. Marahan siyang bumangon pero napangiwi siya nang biglang kumirot ang kanyang sentido. Napatingin siya sa kanyang paligid. Hindi pamilyar sa kanya ang kwarto kung saan siya nakahiga. Kulay puti ang dominanteng kulay ng pintura. May isang malaking telebisyon sa paanan ng kama at harap niyon ay may isang sofa at center table na may nakapatong na aquarium. Wala ring masyadong maraming dekorasyon ang kabuuan ng silid maliban sa ilang painting na nakasabit sa dingding. Ang linis at naka-ayos lahat ng mga gamit. Ultimo mga sapatos ay parang ginamitan ng ruler dahil sa sobrang ayos ng pagkakalagay sa shoe rack na nakalagay malapit sa pintuan. Parang nakakahiy
