CHAPTER TWENTY THREE- THE FIRST EPISODE
Hindi niya alam kung paano niya nalagpasan ang cooking sinigang with hatred nilang dalawa ni Yheven pero salamat sa Diyos at nagawa niya iyong tapusin. Kung pwede nga lang niyang hilahin nang mabilis ang bawat at nang sa ganoon ay matapos na ang mga pagkikita nilang dalawa ay gagawin niya kaso paano niya magagawa iyon eh wala naman siyang kapangyarihan.
“Buksan na natin ang TV, dali!” excited na wika ni Nat dahilan para bumalik siya sa huwesyo. Kung saan-saan na naman kasi napupunta ang isipan niya. Ngayong araw ang unang paglabas ng show na sinalihan niya kaya halos lahat ay excited na manood.
“Lakasan mo ang volume, Natalia!” utos naman ni Nanay Susan na kasing taas ng energy ang anak. Wala na nga siyang space na mauupuan dahil pang dalawang t
