CHAPTER FIFTEEN- THE GAME
“A-anong sabi mo?” tanong niya rito. Hindi siya sigurado kung tama ba ang narinig niya o epekto iyon ng pagkawala ng malay niya kanina.
“Wow naman. Talaga gusto pa talagang ipaulit? Pero sige dahil baka hindi mo naman talaga narinig. ‘Yun na nga, nang mawalan ka ng malay kanina ay si Yheven ang sumalo sa iyo at nagdala sa iyo rito sa cottage. Alam mo, super concern sa iyo ‘yung tao. Siya pa nga ang tumawag ng medic ‘dun sa coast guard sa ibaba eh.”
“T-alaga?” hindi pa rin siya makapaniwala na ito ang sumalo sa kanya, Kaya pala wala siyang naalalang bumagsak siya sa matigas na bagay bago siya panawan ng ulirat kanina.
“Ano ka ba? Bakit ayaw mong maniwala. Alangan namang magsinungaling ako sa iyo para lang kiligin ka riyan.” Sinundot-sundot pa nito ang tagilira
