CHAPTER THIRTY THREE
Nagising ako mula sa isang magandang panaginip. Bumuntong hininga ako't sinubukang matulog muli pero hindi ko na magawa. Lunes na ngayon at alas kwarto pa lang ng umaga, masyado pang maaga para pumasok sa ekwelahan. Gayunpaman, kikilos na ko.
"Nakakatamad!" sigaw ko kasabay ng aking pag bangon. Alam niyo ba kung bakit pinipilit ko ang sarili ko na mag asikaso ng ganito kaaga? Naisip ko kasing sunduin si nano sa kanila. Papatunayan kong hindi ako nagbibiro katulad ng iniisip niya. Tss. Seryoso ako!
Aba! Ang swerte niya at ako na kampon ng mga palaging nahuhuli sa klase ay gumising ng maaga para lang masundo siya. Dito pa lang pwede niya nang masabi na seryoso talaga ako. Hindi ko kaya ugali 'to!
Matapos kong maligo at kumain. Isinukbit ko na ang bag ko sa likuran.
