Margaux's POV
Hindi ko na lang pinansin yung sakit ng paa ko dahil diretso lang ang lakad ko papunta sa hindi ko alam kung saan ako dadalhin ng mga paa ko. Inis na inis ako habang pasipa-sipa sa buhangin na dinadaanan ko.
"Oh ngayon saan na ako pupunta?!" Ang yabang ko naman kasi para magwalk-out doon pero hindi ko alam kung saan ako pupunta.
Lumingon muna ako sa paligid para maghanap sana ng tambayan para pakalmahin ang akin sarili. Bigla ko namang naisip yung batuhan kung saan ako tinulak ni Anna kahapon.
"Hmmmmmm. Doon na lang ako pupunta." Naglakad na ako papunta sa batuhan para tumambay muna.
Bakit kasi ganoon sila? Mukha silang tanga dahil sa sagutan nila kanina. Hindi ako nakakain ng mabuti dahil sa lakas ng tensyon na namamagitan sa kanilang dalawa.
"Tsssss. Mga walang awa sa
