"Halika na Manika, bababa na kami nina Pilar para kumain ng lunch."
"Mauna na po kayo, Ma'am. May mga trabaho pa po akong tatapusin. Kailangan na ni Sir ito mamaya kaya kailangan matapos ko na ang mga ito bago siya dumating mamaya," ani ko kay Mrs. Reyes na kanina pa ako kinukulit na sumabay sa kanila mag-lunch. Bitbit niya ang lunch box niya at tumbler niyang pink na type na type ko.
Sinalansan ko ang mga natapos ko ng dokumento at nilagay ito sa isang folder. Ang iba naman ay nilagay ko sa loob ng folder at ang iba naman ay inipit ko sa fastener at pagkatapos ay nilagay ko ito sa ibabaw ng table ni Sir at saka binalikan si Mrs. Reyes na nakatayo pa rin malapit sa table ko.
Ang kulit lang talaga niya.
"Ituloy mo na lang kaya mamaya ang mga 'yan. Ikaw pa, kayang-kaya mo 'yan," hirit pa
