Tatlong araw na akong absent sa trabaho simula ng mangyari iyong pagkaka-stranded namin ni Sir Nicholo sa loob ng elevator.
Nilagnat ako ng gabing makauwi ako at hanggang ngayon ay hindi pa rin ako gumagaling.
Tumawag na lang ako kay Mrs. Reyes at nagpaalam ako na magsi-sick leave ako para mabilis akong gumaling.
Three days ang sinabi kong sick leave ko ngunit hindi ko yata iyon matutupad dahil pangatlong araw na ay may lagnat pa ako.
Sobrang nag-alala nga si Yaya Conchita nang malaman niyang nakulong kami sa elevator ng amo ko.
Mas lalo siyang nag-alala nang malaman niyang sinumpong ako ng phobia ko at hinimatay pagkatapos.
"Senyorita, kumain ka muna ng lugaw para magkalaman 'yang tiyan mo," wika ni Yaya Conchita nang lumapit siya sa kama na hinihigaan ko.
Hindi ako umimik at nan
