Halos mag iisang oras nang paikot-ikot si Faith sa kabuoan ng isang silid na iyon sa bahay ni Zack, halos lahat rin yata ng sulok ng silid ay nalakaran, naupuan at naapakan niya na, pasado ala-una na rin ng madaling araw ngunit heto siya at mulat na mulat pa rin.
Ewan niya nga ba, kahit anong pilit niyang magpaantok ay wala pa ring epekto, kanina pang ginugulo ng isipin tungkol sa para sa kanya ay isang malaking problema ang isipan ni Faith, malamang sa hindi ay iyon rin ang dahilan kung bakit hindi siya dalawin ng antok.
“Argghh… matulog ka na…”
Kastigo ni Faith sa sarili saka frustrated na ibinagsak ang katawan sa malambot na kama, hindi pa siya nakuntento at nakuha niya pang magpagulong-gulong roon.
“Kung wala kaya ako sa bahay ni Zack, tulog na kaya ako ngayon?”
Tila isang baliw n
