Chapter 18
Gian Lee
"O ano'ng ginagawa mo rito?" gulat na tanong ni Samantha sa akin nang mabungaran ako sa gate nila.
Naglakad nga lang ako papunta sa bahay nila dahil malapit lang naman.
"Bakit ganyan ka magtanong? Ayaw mo ba na pumupunta ako rito?" salubong ang kilay na tanong ko. Ngumisi lang siya at pinitik ang ilong ko.
"Ano ba?" sapo ang ilong na reklamo ko.
"Ikaw naman napakasensitive! Nagtatanong lang, eh. Pasok na!" hatak niya sa akin sa loob.
"Di nga? Bakit ka naligaw?" pangungulit pa rin niya.
Napakamot ako sa batok. Bigla akong nahiya sa totoong pakay ko. Gusto ko lang naman siyang ayaing lumabas. Ang problema mukhang dinadaga ako. Pambihira! Ngayon lang ako nakaramdam ng hiya sa harap ng babae kahit alam ko namang ang gwapo at ang perfect ko na.
"Idinaan ko lang 'ton
