Chapter 24
Samantha
"Sam ang init naman dito?" palatak ng lokong si Gian Lee habang naglalakad kami sa kahabaan ng palengke at namimili.
Kung tutuusin pwede namang iyong kasambahay na lang namin ang gumawa nito pero dahil wala naman akong masiyadong pinagkakaabalahan, nagprisinta na lang ako kina Nanay na ako na ang mamalengke tutal gawain ko rin naman ito noong bata pa ako lalo na noong nakatira pa kami sa poder ng mga Fortaleza.
Medyo namiss ko lang. Nagprisinta rin si Gian na sumama noong tanungin niya ako sa text kung ano raw bang ginagawa ko? Nang sinabi kong mamamalengke ako sasama raw siya at dali-daling pumunta sa bahay namin kaya hayan, bitbit ko siya papunta rito pero panay naman ang reklamo. Nakapaka talaga ng lalakeng 'to!
"Kung gusto mo umuwi ka na. Sumama ka pa kasi!" na
