Samantha
"Champion luto mo." sabi ko kay Gian matapos kaming mananghalian sa loob ng tree house.
Kaya naman pala may lamesa at mga upuan iyon pala ang purpose. Napansin ko ring may papag na yari sa kawayan sa bandang kanan ng tree house.
"Talagang may kama ka rin dito, ah?" puna ko.
"Oo. Gusto mong matulog? Tabi tayo?"
"Hindi, ‘no! Sira ka talaga!"
Ngumiti naman siya.
"So that means nagustuhan mo 'tong outcome ng first date natin?" tanong niya.
"Date ba 'to?" gulat na tanong ko.
"Malamang. Bihira akong magluto kaya date 'to kasi ngayon ko lang 'to ginawa sa babae." sagot niya na umilap ang mga mata na animo nahihiya. Napangisi naman ako.
"Hindi mo naman ako ininform, sana nakapagpaganda naman ako kahit konti." pabiro kong bulalas para gumaan ang pakiramdam niya.
"No need. Magan
