“MS. ANYAH, pasensya na kung medyo mainit ang bahay namin ni Jayda ha,” saad ni Basha nang makapasok si Anyah sa bahay.
Hindi na rin kasi talaga ako tumanggi nang sabihin niya na ihahatid niya kami. Kapag mabait talaga ang hirap tanggihan kasi wala naman silang gagawin sa akin. Mas nagulat pa nga kami ng sabihin nito na papasok siya sa bahay para turuan ako.
“It’s okay. I used to leave in a non-aircon house,” saad niya na bahagya namin ipinagtingian ni Basha.
Syempre kahit sino magugulat kapag narinig mo iyon galing sa prinsesa ng kilalang pamilya at may-ari ng isa sa pinakakilalang kompanya sa Pilipinas. Parang kanina lang noong nalaman ni Basha na kasama ko si Anyah– gulat na gulat siya at ayaw maniwala sa akin, kung hindi pa kami nilabas ni Anyah doon ay hindi talaga siya maniniwala.
