JAYDA
“OY! Mamaya puntahan mo yung HR ha, iconfirm mo kung kasama kita sa nafile kong leave last week,” usal ni Basha sa akin habang naglalakad kami papasok ng agency.
Wala naman akong gagawin ngayon dito kung hindi ang pumirma doon sa mga posters na ilalagay sa mga mall.
Isang linggo na rin ang lumipas matapos ang public launching ng skin care ng Clay at nakakatuwang mabalitaan na maganda ang sales ng skin care lalo pa at totoong picture ko talaga ang inilagay nila doon at hindi edited.
At ngayon nga ay may mga bagong poster na ilalabas at kailangan kong pirmahan iyon para maipadala sa mga pop-up stores and stores ng Clay.
Noong isang araw nga rin ay nandito rin ako para naman pumirma ng isang kontrata para sa bagong endorsement. Para ito sa isang clothing brand na mga morena at natu
