JAYDA
“MAY BALITA ka na ba sa trabaho mo?” tanong ni Basha sabay lapag ng ulam na niluto niya.
Malalim ang hinga lang ang sinagot ko sa kan’ya at marahan na umiling dahil wala pa akong nakukuhang kahit ano sa TL ko. Hindi nga ako minemention sa mga papotlock nila e.
“Wala pa. Hayaan ko na muna, siguro naman– mag-aupdate iyon kapag malapit na akong agreport ulit sa trabaho,” saad ko sabay kuha sa mangkok na naglalaman ng ulam. “Feeling ko naman hindi pa ako tanggal dahil sa hindi pa naman sinasabi na kukunin na nila yung computer,” pahabol ko na marahan niyang tinanguan.
Pero duda naman kasi talaga ako dahil suspensyon lang naman ang sinabi nila kaya kahit paano ay alam kong hindi pa ako tanggal bukod doon, pangalawang offense ko pa lang naman ito.
Kahit paano ay namimiss ko ang trabah
