Chapter 12
Shiena
Matapos kaming kumain ay pinatulog ko muna si Fabien dahil pagod ito sa biyahe.
Si Tita naman ay inayos ang tulugan ni Lance. Doon sa dating kuwarto ni Fabio. Nang makatulog na si Fabien ay nagtungo ako sa sala.
Nakita ko roon si Lance, parang ang lalim ng iniisip nito. Tumikhim ako kaya napansin niya naman ako.
''Inaantok ka na ba?'' tanong ko kay Lance.
''Ah... Hindi may iniisip lang ako,'' seryoso naman nitong sabi.
''Ano na naman iniisip mo babae?'' panunukso ko pa.
''Hindi, ah.. Puwede ko ba makita 'yong bracelet na sinasabi mo na pagmamay-ari ni Fabio?'' bigla nitong tanong.
''Oo, naman! Saglit lang at kunin ko lang,'' ngunit 'di pa ako humakbang ay dumating si Tita mula sa kabilang kuwarto.
''Iha, ito na 'yong picture niyo ni Fabio,'' at iniabot na
