SABADO ng tanghali, pumunta si Savannah sa opisina ni Justin para dalhan ito ng pananghalian.
Naglalakad pa lamang siya papunta sa pintuan nito ay kinikilig na siya lalo pa't nang paulit-ulit na nagfa-flashback sa kanyang isipan ang paghalik ni Justin sa kanyang pisngi noong nakaraang gabi nang hinatid siya nito pauwi sa bahay.
Nang makaabot siya at binuksan ang pinto ng opisina nito ay isang nakakagulat na eksena ang tumambad sa kanya. Si Justin ay nakaupo sa swivel chair nito samantalang may babaeng nakaupo naman sa mesa nito na mukhang gustong-gusto pang nilalantad ang mga hita sa harap ng binata dahil sa suot na napakaiksing mini skirt. Naka-corporal suit din naman ang babae pero napakaikli at iksi talaga ng palda, iyong tipong parang hindi na normal. And wait, is this woman seducing
