NAPANGITI na naman siya nang wala sa oras. Talaga nga'ng hindi lang gwapo at mabait si Justin, gentleman at caring pa. Ayaw nitong magtaxi siya dahil nag-aalala itong mapahamak siya at ibig sabihin no'n ay concern ito sa kanya. Awts!
Hindi nagtagal, nakarating sila sa tapat ng bahay dahil hinatid nga siya nito.
"Salamat, Justin." aniya habang nagtatanggal ng seatbelt.
"Salamat din, Sav."
Kalauna'y kumakaway na siya sa papalayo nitong kotse. Pumasok siya hanggang sa loob ng kanyang kwarto na hindi na matanggal-tanggal ang ngiti sa labi tapos ay nagpapadyak sa kanyang kama habang nakayakap sa unan at kilig na kilig.
Simula no'n ay nagsunod-sunod na ang mga araw na palaging napupunta si Savannah sa kompanya nila para lamang makita at makakwentuhan si Justin. Pagkatapos ng meet-up
