OLIVIA PAULINE
ISIUOT KO nga ang ibinigay niyang pulang blouse at puting maong pants na dinala ni Minerva kanina. Eksaktong eksakto iyon sa akin at nang makita ko ang repleksyon ko sa salamin ay namangha ako sa aking kagandahan. Pinili kong ilugay ang buhok ko upang sa ganoon ay hindi gaanong makita ang aking pamumutla.
Nakarinig akong muli ng katok mula sa pintuan at kapagkuwan ay pumasok si Minerva.
"Miss, hinihintay ka na nila," aniya na nakahawak pa rin sa door knob.
Wala akong imik na lumabas ng kwarto at nagtungo sa kinaroroonan nilang dalawa. Naroon nga ang matandang nagngangalang Mang Tasio at kung makatingin siya sa akin ay para bang inuusisa niya ako mula ulo hanggang paa. Hindi ko naman nakikitaan ng pagiging masama ang kanyang aura ngunit ang mga ganitong mukhang maamo ay n
