Markus Point of View:
Nakangiti ako habang nagmamanehong pauwi. Hindi ko alam kung bakit ganito ang epekto sa akin ni Gwen pero sa totoo lang ay nagugustuhan ko ito. Iba 'yong pakiramdam, hindi ko maipaliwanag.
Noong una ko siyang makita na nakatayo sa gitna ng tulay ay nakuha na niya ang aking atensyon. Kaya nilapitan ko siya at kinausap. Ang akala ko kasi ay magpapakamatay siya kaya naalarma ako pero noong pigilan ko siya, doon ako napangiti.
Maganda siya sa aking paningin kahit na papikit-pikit ang kanyang mga mata dahil sa kalasingan. Maamo ang kanyang mukha, ang kanyang labi na mapula na parang ang sarap halikan, ang kanyang buhok na parang ang sarap hawakan at ang presensya niya na hindi ko maintindihan.
Para bang na love at first sight ako noon? Hindi ako naniniwala sa salit
