“IKAW Britney, sumabay na kayo ni Nanay Melba, kay Medrano, mamayang hapon. Mauna na kayong umuwi. May kunting problema lang kaming aayusin kaya iba ang lakad namin ni Dante. Maiiwan muna rito si Steven, para bantayan si Kate,” seryosong pahayag ni Bryan. Nababakas sa kanyang mukha ang dinadalang problema.
Kasalukuyan silang kumakain ng pananghalian sa terrace ng resthouse. Walang panama ang mga pagkaing masasarap sa kanilang harapan. Halos walang gaanong gumalaw no’n. Sapagkat ang halos ay nakisimpatya kay Bryan at sa pananahimik nito. Tila ba may gumugulo rito, dagdag pa ang natanggap na problema sa kompanya kani-kanila lamang.
Napairap sa kawalan si Britney nang marinig ang sinabi ng amo. Kung siya lang papipiliin, mas gusto na lamang niyang umuwi mag-isa. Kaysa makasabay ang kaaway
