TULALA si Cassandra buhat pa nang umalis ang nanay niya. Ni hindi niya rin napansin nang magpaalam si Zenayda. Ito ang kauna-unahan siyang lumuha dahil sa walang pakundangan na si Marites.
“Ate, nasaan pala si tatay? Kailan ba siya babalik?” Napakurap siya sa tanong ni Onding
“Nasa malayo si tatay at hindi ko rin alam kung kailan siya babalik. Baka matatagalan pa,” kailangan niyang magsinungaling dahil masyado pang bata si Onding kung sasabihin niya ang totoo at baka maka-epekto lang ito sa pagbibinata niya. Magtatatlong taon na rin pala buhat nang makulong ang tatay nila. Buntis pa lang ang nanay niya kay Shine nang mahuli ito ng mga pulis dahil sa pagtutulak ng droga. Mahirap na nga sila mas lalo pa silang nasadlak sa kahirapan.
“Ate, ayos ka lang?” Nagulat siya nang hinawakan siya
