Careela's POV
Nang humupa na ang issue na si Erwhan din mismo ang pinagmulan, dito na ako inabisuhan ni Tito Erwin na umpisahan ko na ang pang-aakit sa kaniya. Kumilos na raw ako dahil nauubos na ang palugit na binigay ko sa kanila. Isang buwan, ito ang pangako ko noon sa kaniya. Ako pa naman ang nagbigay ng taning na iyon. Ang yabang ko naman kasi na nagsabi pero ako itong hindi naman gumagawa ng paraan para umusad ako sa level one ng misyon ko.
Sabi ni Tito Erwin, naniniwala na raw yata ang anak niya na wala kaming relasyon. Kinuha niya itong pagkakataon para sabihin sa akin na pausarin ko na ang misyon ko. Paano, naging maayos na raw kahit papaano ang kanilang samahan. Hindi raw niya alam kung paano nagbago ng mabilis ang ihip ng hangin ngunit natutuwa siya dahil balik na sa dati ang
