Isabella's POV
BINIGYAN ako ni Senyor Ariel ng sariling kuwarto habang hinihintay ang preparasyon ng kasal namin. Puno ng dress, heels at gamit na pambabae ang silid na binigay nito sa akin.
Nakaupo ako sa dulo ng kama. Nandito na lahat ang kailangan ko, pero hindi ako masaya.
Sa loob lang ng isang araw, nagbago ang buhay ko sa teritoryo ng mga Romano. Binabati na ako ng lahat kapag nakikita ako, at parang reyna ako kung ituring. Malaya na rin akong nakakalakad sa buong villa, pero dinaig ko pa ang nakakulong dahil tila nasa loob ng hawla ang puso ko.
Ayaw ni Senyor Ariel na makasama ko pa sa iisang kuwarto si Gun, at mahigpit nitong tinutulan na makipagkita o makipag-usap man lang ako sa anak niya. Pinagbantaan din ako nitong papatayin si Gun at si Kuya kapag sinuway ko ang mga gusto
