"Sofia tawagan mo na ang Uncle at papang mo, mag-almusal na tayo't luto na ang tortang talong!" sambit ng mamang niya na nakadungaw ngayon sa pintuan ng kan'yang maliit na kwarto. Kanina nang dumating ang mamang niya ay nakabalik na rin ang kan'yang papang na ngayon ay nakikipagkwentuhan kay Uncle sa labas. May mesa't upuan sila sa ilalim ng isang malaking punong mangga.
Inayos niya muna ang kan'yang suot bago siya lumabas ng bahay. Nadatnan nga niya si Uncle at ang Papang niya sa labas at mukhang masarap ang kwentuhan ng dalawa.
"Pang, Uncle Jade tara na raw po't mag-almusal na tayo! Nakahanda na po ang pagkain sa mesa." nakangiti niyang sambit na iniiwasan ang malalagkit na tingin ni Uncle sa kan'ya.
Tumayo naman ang dalawa at sumunod sa kan'ya papasok sa kanilang bahay.
"Naku si
