Pajama at tshirts lamang ang sinuot niya para sa pagpunta nila sa barangay hall mamaya. Hindi naman kailangang gumayak pa siya dahil karamihan naman sa mga pumupunta doon ay simple lamang. Sa malaking plaza dinadaos ang singing contest, may dala rin siyang sako na ilalatag sa damuhan upang makapanood sila ng maayos.
Sinuklay lamang niya ang mahaba niyang buhok at dahil basa pa iyon ay inilugay na lamang muna niya. Nakaupo siya sa antigo kilang tokador na may malaking salamin. Nagpulbos na lamang siya at nagpahid ng lotion.
Hindi naman nagtagal ay narinig niya ang boses ng mga kaibigan niya sa labas na kinakausap ang mamang niya.
Tumayo siya at lumabas na sa kan'yang kwarto. Si Ram ay nakashorts at nakaputing tshirt. Si Fiona naman ay nakapajama rin katulad niya samantalang si Nestea ay
