Hapon na ng makauwi sila ng Kuya Zandro n'ya sa bahay nila. Pagmulat n'ya kanina ang kapatid ang nabungaran. Wala si Harry sa loob ng silid ng ospital.
Sa pagkakaalam n'ya si Harry ang huling kasama n'ya, bago s'ya nawalan ng malay. Nakita pa n'yang lumapit sa kanya si Harry bago s'ya hinimatay ng tuluyan.
Hindi na rin naman s'ya nagtanong sa kapatid kung asaan si Harry. Wala din naman binabanggit pa ang Kuya n'ya patungkol kay Harry.
"Magpahinga kana muna n'yan," saad ng Kuya Zandro n'ya. Habang papasok na sila sa loob ng bahay.
"Salamat Kuya," pasalamat n'ya sa kapatid.
"Yang ambisyon mo Fernan ang magpapahamak sa anak mo! Paano mo nagawang hayaan ang anak mong magpakasal sa taong may galit sa kanya?!"
Tinig ng Mommy n'ya ang narinig, pagpasok sa loob ng bahay. Galit ang tinig nit
