Matagal-tagal rin ang ginawa kong paghihintay bago sumagot si Marco.
"Bumalik kami sa restaurant kagabi dahil may nakalimutan akong gamit. Hindi ba at may susi rin sa akin? Iyon ang ginamit ko para makapasok kami ni Yuri sa loob ng restaurant dahil nagpasama ako sa kanya. Kakatukin na sana kita sa kuwarto mo para kumustahin ka noong tumawag ka at narinig ko ang paghingi mo ng saklolo bago ako nakarinig ng ingay. Hindi naka-lock ang pintuan ng kuwarto kaya makapasok kami agad at nakita ang pananakit sa'yo ng anak ni Mr. Tam."
Napaka-coincidental pala na naroon sila ni Yuri sa restaurant nang tumawag ako upang makahingi ng tulong kay Marco. Napatingin ako sa kanya at nakitang sa iba siya nakatingin. Hindi ko na iyon pinag-isipan nang masama at inisip na lang na siguro ay inaalala niya ang
