MARCO
Hindi ko mapigilan ang mapangisi nang madatnan ko si Yuri na pasulyap-sulyap sa pintuan ng silid kung saan naroroon si Jay. Pabalik-balik ang lakad niya na tila gusto niyang pumasok ngunit kapag hahawakan na niya ang door knob ay bigla namang magbabago ang isip niya at tatalikod.
Ibinaba ko na muna ang hawak kong tray ng pagkain para kay Jay at saka pinanuod si Yuri sa ginagawa niya. Lubhang malalim ang iniisip niya dahil hindi niya kaagad napansin na pinapanuod ko na siya. Nang mapansin naman niya ako ay nakasimangot siyang nag-iwas ng tingin at saka tumigil sa isang tabi.
"What are you looking at?" masungit niyang tanong sa akin.
Natatawa na naiiling ako sa kanya. Umaandar na naman ang topak at kasungitan ng anghel na demonyo. Sa akin lang niya madalas ipakita ang ganitong uga
