"Hindi ba parang sobrang dami na nating napamili?"
Hindi ko maalis ang mga mata ko sa mga shopping bags na dala ng dalawa. Puro sa akin kasi ang mga iyon. Bukod pa roon, ang mga hawak ko.
Tatlong oras na kaming paikot-ikot dito sa mall. At sa tatlong oras na iyon ay nasa dalawampung shopping bags na ata ang bitbit namin. Sobrang nahihiya na ako sa Dami ng mga pinamili namin sa totoo lang. Gaya ng kinatatakutan ko, ni piso ay wala akong mailabas. Pero ang dalawa, tila sayang-saya pa sa tuwing nagsa-swipe ng card niya si Yuri. Tapos kaninang namimili kami, kapag ayaw kong pumili ay silang dalawa ang nag-uunahan sa pagpili ng mga damit na babagay raw sa akin. Nagkakatalo pa nga sila sa kung anong kulay o estilo ang kukunin namin.
"Pwede bang tama na? Umuwi na tayo?" Umaasa na pagbibigya
