Drizella Genet’s POV
Hindi lang basta bahay ang mayroon si Pierre sa labas ng Escajeda. May mansion siya. Ipinarada niya ang sasakyan niya sa gitna ng parisukat niyang mansion. Gawa sa bato ang bahay niya kaya sigurado ako na mas matibay pa ‘to kaysa sa pagkakagusto niya sa akin.
Mas malaki pa sa bahay namin ‘to. Lumabas ako ng sasakyan niya at napansin ko rin ang isang basketball court.
“Tayong dalawa lang ang titira rito?” tanong ko sa kanya.
Sobrang laki nito at baka magkaligawan pa kaming dalawa sa sobrang laki. Hindi ko nga alam kung saan dito ang pinto sa sobrang dami.
“Uh huh. Ayokong may katulong at tauhan akong kasama kaya tayo lang,” sambit ni Pierre na nasa tabi ko na.
Gumapang ang braso niya sa bewang ko at dinala ako papasok sa mansion niya. Isang bu
