Hindi ko naintindihan kung ano ang point nila sa sa pinag-usapan nila kanina.
Actually, nakikinig lang ako dahil ayoko naman talagang makisawsaw o makiusyoso sa usapan nila.
Sila lang naman ang nagkakaintindihan eh.
Pagkatapos naming kumain ay nagpahangin muna ako sa labas, habang si Sir Ugi ay bumalik na at ang villa niya.
Nagpaalam na kasi siya kanina sa akin na mauna na siya dahil magpapahinga na siya. Alam ko naman kasing napagod siya. Malamang ako rin, pero mas ginusto ko muna kasing magpahangin.
At habang nagpapahangin ako ay may biglang…
“Hi Krix…” bumati at tumawag sa aking pangalan.
Nilingon ko naman ito at nakita ko si Ate Lacey.
“Ate…” sambit ko sabay tayo sa pagkakaupo.
“Oh, tumayo ka pa talaga. Sige lang, have a seat,” aniya.
Naupo naman ako at ganoon din naman siya.
