CHAPTER 26
Kasunod iyon ng malakas na na pagsabog. Bumagsak ang lalaking hahalay sana sa akin at nagsunurang bumagsak ang mga walang hiyang dumukot sa akin. Napasigaw ako sa pagkabigla. Kung pinatay nang kung sino mang dumating ang mga gagawa sa akin ng hindi sana maganda, ibig sabihin, kakampi ang dumating. Sa gitna ng kawalang pag-asa kanina, may dumating para iligtas ako. Nagkagulo ang lahat ng sindikato sa paligid ko lalo na nang makita kong ilan sa kanila ang nakahandusay na. Mabilis na gumapang ang ilang nakapalibot para kunin nila ang kanilang armas dahil hindi nila iyon napaghandaan ngunit huli na. Nagtumbahan din naman sila. Kinuha ko ang pagkakataong iyon para makatakas. Kahit pa nahihilo pa ako, kahit pa masakit ang aking katawan, kailangan kong unahing iligtas ang aking sarili
