CHAPTER 79
Huminga ako nang malalim. Alam kong gusto ni Sir Dale na masanay na akong magpanggap. Kailangan kong sanayin ang sarili kong magpakitang-gilas. Iyon bang dapat alam ko lahat. Nagpunas na muna ako ang aking mga luha habang patuloy ang palakpakan ng lahat. Sinenyasan kong maupo ang iba pang bisita na nakatayong nakatunghay na para bang gandang-ganda sa akin.
"Good evening to all!” buo ang ang boses ko ngunit ramdam ang panginginig. Hindi lang ang aking kamay na nakahawak sa mikropono kundi pati na rin ang aking mga tuhod. Ano bang sasabihin ko sa mga taong ito? Ano ba ang dapat kong ibida? Kailangan ko bang magyabang o magpakatotoo? Lahat ng mga mata nakatutok sa akin na para bang inoobserbahan nila ang bawat kilos ko. Kailangan kong magsalita at kumilos dahil kung anuman ang fi
