CHAPTER 53
“Hindi ba natin siya pwedeng ipakulong na lang?” tanong ko kay Ken.
“Paano? Pinalabas na nating patay na ako. Nagpakalayo-layo na tayo pero tama nga na hindi basta-basta sumusuko ang babaeng ito.”
“Anong balak mo? Magtatago na naman ba tayo? Iiwas? Magpakayo-layo?”
“Hindi na. Hindi pwedeng laging ganoon na lang ang ating gagawin lalo pa’t magkakaanak na tayo. Wala na rin akong sapat pang perang gagamitin sa paglipat-lipat natin. Kailangan na lang natin paghandaan. Kailangan ko na lang siyang harapin kung nandiyan na. Sandali, sa tingin mo ba ako ang hinahanap niya o ikaw mismo? Nakita mo ba kung sino ang nasa picture?”
“Hindi eh. Agad kong kinunan siya ng picture at nagtago na kami ni Nanang kasi may kutob akong siya na nga iyon.” Bumuntong hininga ako. Bigla akong kinutuba
