CHAPTER 15
“Salamat sa pagdating mo. Salamat sa pagliligtas sa akin,” pabulong kong sinabi sa kanya.
“Ngayon na kasama mo na ako, kailangan mong matutunang lumaban. Kailangan mong aralin kung paano iligtas ang sarili mo. Maaring hindi na kita maipagtatanggol pa sa mga susunod na pagkakataong malagay ang buhay mo sa alanganin.”
“Hindi na siguro mauulit pa ‘yon.”
“Hindi tayo sigurado lalo pa’t kasama mo ako.”
“Anong ibig mong sabihin?” tanong kong puno ng pagtataka.
Hindi na siya sumagot pa sa akin. Sumandal siya at tumingin sa labas. Tahimik na pumikit.
Ilang sandali pa’y, lulan na kami ng kanyang private Jet niya mula sa Manila hanggang Siargao. Iyon ang unang pagkakataon na makasakay ako ng sasakyang panghipapawid. Nakaramdam ako ng magkahalong takot at excitement. Balisa ako nang
