CHAPTER 37
“Excuse me lang Sir Dale ha? Kakausapin ko lang ho ang lalaking ito.”
“Don’t you ever ever date my wife again!” banta niya kay Sir Dale. Sa lapit ko sa kanya, naamoy kong lasing siya.
Tumango lang si Sir Dale at nakangiting parang wala lang na nakatingin sa noon ay galit na galit na si Ken.
“Tara sa labas. Doon tayo mag-usap.”
“I can buy this hotel. We can just take a table and talk here.”
“Hindi! Hindi tayo kukuha ng table at dito mag-uusap. Pinagtitinginan tayo, Ken. Lasing ka at alam kong kapag lasing ka, hindi mo alam kung anong ginagawa mo kaya pwede ba? Sa labas tayo mag-usap kung gusto mo akong kausapin?”
Nauna akong naglakad palayo. Sumunod siya sa akin. Mabilis ang mga hakbang ko palabas ng hotel mismo at para siyang asong ulol na sumusunod kung nasaan ang buto.
