Chapter 24
“Boss… ano ‘to? Bakit mo kami pinagbabaril…” bulong nang isang lalaking nakahawak sa kanyang dibdib. Dugo na ang lumalabas sa kanyang bibig at sumisinghap-singhap pa siya na para bang hinahabol na niya ang kanyang hininga.
Binitiwan ni Ken ang kamay ko at nilapitan niya ang lalaki. Itinutok niya ang b***l niya sa noo ng lalaki.
“Mabuti akong kaibigan, Dante. Alam mong kaya kong makipagpatayan para sa’yo pero hindi ako mabuting kaaway. Tulad ng sinabi mo, walang personalan, trabaho lang pero pinersonal ko ang ginawa mo sa akin? Bakit hindi? Personal na kaibigan at hindi lang tauhan ang turing ko sa’yo pero tinarantado mo ako. Trabaho lang pala ang tingin mo sa akin pagkatapos ng lahat.”
Bang!
Isang malakas na putok ang pinakawalan niya at nakita ko ang pagkalat ng dugo at
