CHAPTER 66
Ilang oras pa ang nakaraan, dumating si Kate. Agad niya akong sinungggaban habang nakaupo ako sa gilid at nilalaro-laro ko ang aking buhok. Pinatayo niya ako sa pamamagitan ng pagsabunot sa akin.
“May doktor na darating para tignan ang kondisyon mo! Oras na matuklasan kong nagpapanggap ka lang na baliw o kung may sasabihin ka lang sa kanya, patay ka pati ang Doctor. Hindi ako magdadalawang-isip na patayin ko kayong dalawa. Aayusan ka ni Joyce at dalhin ka niya sa magandang kuwarto. Hindi ko alam kung totoong baliw ka o pakana mo lang ito. Kailangan ko munang makasigurado. Huwag na huwag mong subukang tumakas. Hindi ka makakatakas sa pamamahay ko!” Tumingin siya sa aking mukha. “Alam mo? Sa tuwing nakikita ko ang mukha mo, gusto kitang patayin. Inagaw mo sa akin ang asawa ko k
