CHAPTER 39
“The subscriber cannot be reached, please try your call later…” Muli kong tinawagan. Tatlong beses. Sinabi ko sa aking sarili na kung di ko pa rin ma-contact sa tatlong beses kong pagtawag sa kanya, nangangahulugan lang na hindi ko dapat siyang habulin. Nangyari nga. Sa pangatlong pagtawag ko sa kanya, hindi ko pa rin siya ma-contact. Ibinaba ko na ang cellphone ko. Sign na iyon para kalimutan na siya. Kung mahal niya ako, babalik siya sa akin. Hindi ako dapat patalo sa bugso ng aking damdamin. Hindi dahil nasasaktan ako at nalulungkot ay muli akong magpakababa at maghabol. Kailangan kong ipakita kay Ken na malakas ako. Na kaya kong panindigan ang sinabi ko sa kanya.
Ilang sandali pa’y may kumatok sa pintuan ko.
“Anak, lumabas ka na riyan. Nakahain na ang pagkain. Maghahapuna
