CHAPTER 41
Pgakatapos naming mag-usap ay bumalik siya kina Nanang at Tatang para tumulong sa pag-aani ng palay. Hindi ko na pinigilan pa kahit alam kong mahihirapan lang siya at masusunog sa araw. Gusto kong maramdaman niya ang buhay ko. Gusto kong malaman niya kung anong pagkakaiba ng mayaman at mahirap. Habang nagluluto ako, hindi ko maiwasang hindi kiligin. Nakita kong tinuturuan siya ni Nilo kung paano ang tamang paghawak ng kumpay at kung paano gagapasin ang palay at ang tamang pag-iipon sa mga nagapas na. Sinong mag-aakala na gagawin lahat ni Ken iyon para sa akin? Sinong mag-aakala na mamahalin niya ako nang ganito?
Nang kainan na, naglagay na ako ng kanin at ulam sa mga dala naming mga plato. Naghugas na rin ng kamay ang lahat. Nakaupo lang ang parang hapong-hapo na si Ken. Kumik
