زين بهدوء : ردك ايه على اللى قولته .
مراد الجارحى بغضب : رد ايه يابابا .. انت بتقول ايه اصلا .... ايه الجنان دة ..اتجوز مين.... اتجوز ميرا ازاى وليه ...استنى انا مش عاوز اعرف ليه وازاى...انا رافض اصلا.
( زين سكت وبصله كتير وبعدها قام من على كرسيه وراح ناحيه الباب وفتح الباب وشاورله يطلع برا ....مراد اتن*د وحاول يهدى مهما كان دة ابوة وهو بيحترمه مكنش ينفع يغضب ويعلى صوته بالشكل دة ..اتحرك ناحيه الباب وقفله بهدوء ).
مراد بإحراج: بابا ... انا اسف .
زين بعتاب : مش عاوز اسف .. وان كنت فاكر ان بفتحلك الباب علشان صوتك العالى .. فا لا انت كبير بما فيه الكفايه وعارف ان اللى عملته غلط مش هاجاى وانت بالعمر دة واربيك من جديد .. انا بفتحلك الباب علشان انا قولت اللى عندى وخلصت وانت قولت اللى عندك ورفضت يبقا خلاص مالوش لزمه الكلام .
مراد : طيب ليه انا يابابا... اشمعنا مش أسر او ادهم .
زين : اش
