Lihim na napalunok si Sasha nang magtama ang mga mata nilang dalawa ni Ethan. Hindi niya inaasahang mananalo siya laban dito dahil sinubukan lang naman nitong pasayahin ang binata.
Ganoon na lamang ang tuwa niya habang pinapanood itong maglaro ng Zekkken at iba pang mga arcade games. Namamangha siya sa galing ni Ethan. Sino bang mag-aakalang mahilig pala sa games ang seryosong nurse na hinangaan niya?
Kung alam niya lang sana iyon, sana niyaya niya na lang itong maglaro noong nagkulong si Ethan sa kwarto dahil sa sakit na nararamdaman.
"Sorry, natagalan ako. Ang haba kasi ng pila sa shawarma. Mabuti na lang at medyo mabilis pagdating sa fruit shake," anito habang nakangiti.
Tinanggap niya ang inabot na meryenda ni Ethan. Parang kanina lang kumain sila sa isang mamahaling fine dining re
